هذه الدنيا يا قلبى ..؟؟؟

صــعب لا منــــك فشلت وصـــعب لا منك لقيت ان من يكره نجاحك يدري انك ما نجحت
امس ضقـــت ورحــت اقلب ذكرياتي وانتهيت عند صورة طفل صوته مثل صوتي لانجرحت
وش مثــــل؟؟ لا والله الا هذا انا يـــــوم ابتديت انطق حروف تلعثم في لساني لا مدحت
هذا انا يـوم الحــياة في نظرتي عشرين بيت ومسجدين ومدرسة من طين كم فيها حلمت
هذا انا واصبــحت اتمتم هــــذا انا حتـــى بغيت اختنق بس القدر عيا على موتي وطحت
وصاح صوت الطفل فيني انت من وين ارتميت قلت انا المستقبل اللي فيه كم همت وطمحت
امس كنت ابيـــــك تكبر بس والله لــــو دريت اني اللي عشت لاجله مت عندك واسترحت
لو دريت ان الزمــــان يجــــر رجلــــى ماعديت ولو دريت ان البحور بلا مواني ماسبحت
كـــــان دربك لي طويــــل وكـــل ماشفتك هويت قلتلك كبوه جواد وماكبـيت الا جمحت
ليــــــه تسمعنــــي وتمشى اه ليتــــــك مامشيت واه ليتك من كثر عثرات الايام انتصحت
ضاعت احلامي وظل الحزن فيني واهديـــــــــت للطريق اللي يوديني على دمعي ورحت
يالحزن ليتك مثل دمعي وتنزل لارقيت بس اعرفك لومسحت الدمع تبقى ماانمسحت
كان حلمي في وجود انسان يبكي لابكيت وصار حلمي في وجود انسان يفرح لافرحت
كنت اشوف الناس مثلي كل ماجعت وضميت ومادريت ان الاوادم ناس فوق وناس تحت
وان لمحت دموع عيني سو نفسك مالمحت هز لي كتفي وقلي عيب تبكي لو سمحت
اضحك وعلم زماني من انا ومن وين جيت طق باب الحزن واصرخ فيني لامني فتحت
هذا انا ياولد الخال في محبتك انعميت مابيك تزعل نفسك حتى لو عنك سهيت
انا ابيك انسان ثاني انت غيرك مابغيت ابي منك ياحبيبي تبتسم لامن زعلت
هذة الدنيا ياحبي ياربحت او خسرت افتكر وحدة تحبها تنتظر فرحة عينيك